Planifiká bo Ruta pa e Kurason di e Karnaval
Tuma nota! For dia aña 2025 e ruta di e parada di Karnaval Bándabou a bira XL. E marcha ta kuminsá na Plenchi Kaya Maria i Margaritha Carmela-Dam (Flip) i finalisá na altura di Pompstation Barber. Aki bo por haña un bista kon pa kore i e sitionan di stashoná pa asina bo tambe por forma parti di e Magia ku ta bai tuma lugá!
Djòin Karnaval di Bándabou
Bo grupo tambe ke partisipá i engrandresé nos Marcha di Bándabou? Ahinda tin algun espasio mas pa gruponan ku ke partisipá den e marcha. Registrá awor i forma parti di e ambiente.
Bándabou su Karnaval 2026 ta kuminsá aki
- 00Days
- 00Hours
- 00Minutes
- 00Seconds
Eventonan
Nos kalènder ta kargá ku evento i bo por kuminsáa sinti e ambiente karnavalesko na Bándabou for di trempan.
30 di novèmber 2025
Karnaval den bo Bario
21 di desèmber 2025
Karnaval den bo Bario
4 di februari 2026
Karnaval den bo Bario
Karnaval Bándabou
E Karnaval di Bándabou a originá na 1969, i a selebrá 56 aña na 2025 na momentu ku Task Force Karnaval Bándabou a tuma e mandato. Mas ku 50 aña di tradishon i kultura ku ta bria mas kla ku nunka! Inisialmente konosé pa paradanan simpel i músika folkloriko, awor el a bira un evento espektakular ku trahenan elaborá i bailenan rítmiko.
Task Force Karnaval Bándabou 2025 ta enkargá pa organisá e parada, i ta preparando ku energia pa krea un evento inolvidabel pa henter e komunidat!
Ultimo Notisia
Keda na altura di tur loke ta pasando rondo di Karnaval di Bándabou. Kada evento, anunsionan importante, ta aki bo por hañ’é.
Komité Organisadó
Fundashon Vishon Banda Bou (VIBA) ta un organisashon dediká na promové i desaroyá e komunidat di Bándabou dor di evento kultural i sosial. Ku un pashon grandi pa nos kultura i tradishonnan, VIBA ta pone su mes na liderato pa organisá i duna forma na Karnaval di Bándabou 2025-2027, despues di a gana e destaho públiko di Gobièrnu di Kòrsou.
E fundashon ta traha riba inklushon di profeshonalnan i lidernan di Bándabou, pa kreá un eksperensia karnavalesko di kalidat ku ta reflehá e identidad vibrante di nos komunidat. Pa realisá esaki, VIBA a instala “Task Force Karnaval Bándabou“, un ekipo di liderasgo ku eksperensia organisatorio i un bista klá riba e futuro di Karnaval di Bándabou.
Nos meta prinsipal ta:
Kreá un temporada di karnaval kreativo ku aspektu inovativo.
Stimula participashon ku por lo menos 5 grupo nobo di Banda Bou.
Marka un komienso nobo i di speransa pa Karnaval di Banda Bou.
VIBA ta traha man na man ku organisashonnan lokál manera “Kòrsou den Pabou”, AGKK, Beehives i lidernan di bario, pa garantisá kontinuidat i un nivel haltu di nos tradishon karnavalesko.
Nos ta invitá tur komersiante i boluntario di Bándabou pa uni ku nos i duna kontribushon pa logra un Karnaval eksitoso. Nos ta kere firmemente den e forsa di komunidat i ta konfia ku huntu nos por halsa nos Karnaval na un nivel mas haltu.
Nos Tim
Sera konosí ku e tim di maneho ku VIBA a instalá pa asina manehá Task Force Karnaval Bándabou te ku 2027.
Nayseline Jamanica
Presidente
Eugene Goedgedrag
Vise Presidente
Stephanie Smits
Egbert (Jhonny) Roojer
Selfrin (Fanny) Sambo
Shurney (Nello) Pisas
Ethienson (Boy) Troeman
Marwin Martina
Cynthia Maltida
Sharesca (Setty) Meulens
Partnernan
Selebrá huntu ku nos i nos partnernan ku ta trese e magia di Karnaval na bida! For di spònsernan generoso te na sostenedónan dediká. Deskubrí e forsanan impulsor tras di e selebrashon di mas grandi di Bándabou. Bo ke djòin e kousa? Bira un partner awe mes!
Tuma Kontakto
Bo ta interesá na partisipá, hasi un pregunta, òf kompartí bo emoshon pa e karnaval, nos tei pa tur kos! Tuma kontakto ku nos awe mes i ban hasi e selebrashon di e aña aki inolvidabel!